Detlef Matthiessen zum Niederdeutschen: De plattdütsche Sprok mut wieder stöt warn

PRESSEDIENST Fraktion im Landtag Schleswig-Holstein Pressesprecherin Claudia Jacob Sperrfrist: Redebeginn Landeshaus Es gilt das gesprochene Wort! Düsternbrooker Weg 70 24105 Kiel
Durchwahl: 0431/988-1503 Zentrale: 0431/988-1500 Telefax: 0431/988-1501 Mobil: 0172/541 83 53 Zu TOP 19, Situation des Niederdeutschen, E-Mail: presse@gruene.ltsh.de erklärt Detlef Matthiessen, Fraktionsmitglied Internet: www.gruene.ltsh.de von BÜNDNIS 90/DIE GRÜNEN: Nr. 362.99 / 18.11.99



De plattdütsche Sprok mut wieder stöt warn
Herr Präsident, leeve Kolleginnen, leeve Kollegen,
Wedder mol -veel to selten- is Plattdütsch anseggt op uns Tagesordnung. Platt in’t hoge Hus.
Wi wöt de Regeerung beden, en Bericht aftolevern, wordan uns plattdütsche Mo- dersprook sik entwickeln deit, wat is ünnernom worn, de „Situation des Niederdeut- schen“ to stötten un womöchli vörwats to bringen. I könt dat jo nolesen in uns Andrag.
Wi harn dat man ok, leeve Kolleg Klaus-Peter Puls, dat full mi op biet Schrieben vun min Ansprok, wi harn dat jo man ok in Platt opschrebn kön. De „Umsetzung der Europäi- schen Charta für Regional- und Minderheitensprachen“ dat hört sik bannich hövelt an in de Drucksok 14/2530. Nu is dat eersmol to laat, ower vilich könt wi dat noch nolevern.
Op de een Siet hebbt wi Plattdütsch in uns Landesverfoten obnom, op de annern Siet dücht mi, hett de Sprok dat ligas schwor, sik to holn. Man mut Plattdütsch hölpen, wo man kann.
Klor is dat scheun, wenn plattdütsch Teoter speelt wart, oder dat eenmol de Week in uns nordütsche Rundfunk de Paster sien Ansprok op platt hölt. Wat mi överhaupt god gefallen deit -ok op hochdütsch- de kotte lütte Predigt, man kann sik een Ogenblick be- sinn twischendörch un in sik gon. Dat gift Plattdütsch lesen an de School un wat nie allns. Biespeelwis warn ok veele Gedichte opschrebn, Dönches verfot, un sogor hebt wi richti- ge aktive plattdütsche Literatur.
Over levn -un överlevn- kann een Sprook jo nur, wenn se sproken wart, wenn de Lüüd se dagdächli bruken. Un dat ward, wenn man dat ehrlich bekieken deit, jümmer ringer.
In mien Dörp, in mien Noberschop mutt man de Lüüd seuken, de noch platt schnacken kön un dat ok don. De Bürgermeister vun Osterby is een düchtige Kerl, ok wenn he vun de Schwatten is, ower he kummt ut Rheinland. Sülmst bien Buur, wo wi Melk holn, dor schnak ik nur mit de Oldbuur Platt un man hett dat Geföhl, dat dat natürli is, dat dat sik so hört.
Dorto kummt, dat platt hüttodog eher een lautmalerische Överdregung vun’t Hochdüt- sche is, as dat noch echte plattdütsche Wör brukt wart. Wer weet denn, wat en Schapp is, wat Bes, Wieschen, Puch, Puk, Le oder Mireems sünt, Krein weten se villich noch, o- ver Wippsteert und Heister?
Nu will ik over ophörn mit min Schwattmolerie. Dat hölpt ok nie wieder. Wi möt jo liggas allns don, de Plattdütsche Sprok to erholn un to plegen. Dat is nämli so, dat Plattschna- cken ok een Bark Vördeele het: Man föhlt, dat man irgendwie tosom hört mit de, de ok platt schnacken, ok wenn manch een sik afmöhn mut dormit. Man föhlt ok, dat de Soken ut uns moderne Welt, de sik nur schwor op Platt utdrücken loten, vilich gornie de wich- tigsten sünt.
De grötste Vördeel is ower, dat man sik in alle Fründschap Soken an Kopp schmieten kann, de op hochdütsch de reinste Beleidigung weern.
Laten se mi ton Afschluß, leeve Kolleginnen un Kollegen, noch över uns süllms wat seggen, nämli hier bi uns int hoge Hus, in unse Kieler Landdag giv dat noch een ganze Bark „Native Speakers“ , Fruns- un Mannslüüt, de Platt schnacken kön un dat ok don. An eerste Steed to nennen unse Präsident Heinz-Werner Arens, de een ganz fiene Platt schnackt, un veele Abgeordnete ok.
Mi is noch in gode Erinnerung, as wi vun Agrarutschuß op de Reis no Berlin weern, mit de Isenbohn to de Gröne Week. Dat trok sik un wöke hebbt Skot speelt, annere sik ün- nerholn. Un bi de Infohrt to Bohnhoff Zoo frog Fritz Wodarz sin Fru, ob dat jümmer so weer mit uns. Wat? frog ik. Na, datt wi platt schnacken in Agrarutschuß. Jo, so is dat wohl so, ower so recht opfulln weer uns dat gornie.
Ik bün gespannt op de Bericht vun uns Landesregeerung.
Veelen Dank fört Tohörn. ***