Frauke Tengler: Allwedder een Bericht - god meent is noch lang ni ch god makt

LANDTAGSFRAKTION S C H L ES WI G - H O LS T EI N

Pressesprecher Bernd Sanders Landeshaus 24100 Kiel Telefon 0431-988-1440 Telefax 0431-988-1444 Internet: http://www.landsh.de/cdu-fraktion/ e-mail:fraktion@cdu.landsh.de
PRESSEMITTEILUNG Frauke Tengler: Allwedder een Bericht – god meent is noch lang nich god makt
Wat hem wi up dissen Andrach luert stunn jo all lang op de Zeddel von de Landdachsvesammlung, ober wat kun de Roden domit meen? Und wat is dor nu bi rutkom, een klödderiche Berichtsandrach, und wat wi in dissen Bericht inne nächste Landdachsvesammlung hörn, künnt wi uns ok all vörstellen.
„Keen Mensch deit so veel för dat Plattdütsche as disse Landesregeerung“. Tomins mit de tung, kosten dörf dat nämlich nix! God meent ist noch lang nich god mokt. God meent wer de Erlass von 1992 woll, • dor steit wat von de erhöhte Verantwortung für dit Kulturgut, • dat dat Plattdütsche een durchgängiges Unterrichtsprinzip inn Schleswig-Holstein Schoollen warn schall, • dat für de Lehrerutbildung und de Lehrerfortbildung Vörschläge utarbeitet warn sön, • in Dütsch schall Plattfütsch mit inbetrucken warn.
God meent is dat natürlich ok mit de Opnohm in de europäische Charta. Ober wat kümmt darbi rut?
Wär schön, Fruu Ministerin, wenn se uns denn in se`s Bericht mol vetellen, wat dar so in de letzte 7 Johr ut worn is. - Dat weer ja de 30. Augsut 1999 inne Zeidung, dat sie wön, dat de BU Vörstellung för de Entwicklung von`t Plattdütsche „erläutern“ schall. Aber se sind doch de Ministerin, wi wär dat denn, wenn se sik mol mit een poor vernönftige ut dat Ministerum und de Lüt davon de BU an een Disch setten und endlich mol fastlegen deen , wat denn nu wirklich passeeren schall. So wat nennt man ok Konzept! Op Hochdütsch, dormit de Botschaft ankümmt, het dat: „Ein Konzept mit verpflichtenden Elementen für die Lehrerausbildung, die das sicherstellen, wat, wenn man de Zeidung so list, ses Hardenswunsch, is. Tonins de Hardensangelegenheit von Fru Heide, wenn man de Landeszeidung vunne 1.9.99 lest. Se will sogar dat Plattdütsche wedder op de been helpen. Dat geiht ober nicht blods mit Schnack, beste Fru.
Ik bin bang dat se mi hüt nich mol versteit.
Un in disse hochkarätige Runde, vun de ik jetzt schnackt hev, dörf jo ok Lothar Hay nich fehlen, ik meen so as Vorsidder von de Roden ist he to bruken, dat gift se ringer.
He will nu ok dohn wat he kann, het he tomins anne 4.11.99 Hans Ahrensdorf toseggt. Un he ward denn ok een betten dütlicher, he süt „realistische Chancen“ för 2 vulle Stelln in de beeden plattdütschen Zentren. Ik har egentlich dacht, dor kümmt hüt so een Andrach! Aber ne, so ernst mut he dat denn wull doch nich meent hem. Oder wulln de Grönen dat nich! Wat’n Elend mit son Hackenbieters. Lüt, lüt vun de linke Siet, dat gift een platt Spreekward: „Je höher de Aap sticht, je mehr kriggst sein moors to seen“. Dat heet nix anners as; wat man secht, mut man ok don, wenn nich, kriegen de Lüt dat mit! Wie süht dat denn ut inne Wirklichkeit anne Schoolen? Nich so wie det torechtschnackt ward. Karl Heinz Groth von de SHHB hett dat an 170 Schoolen ünnersöcht, he het fasstellt: „Plattdütsch speelt an den Schoolen praktisch kenn rull mehr“ • Dar kann man sehen, wat een Erlass hölpt, wenn man nich dorachter is, dat de ok unsett ward. • Dar kann man seen, wi dat mit den Hardensangelegenheet is, wenn man dor blots vun schnackt, un towenich dorför deit.
Hem ih ja all hüt morn in de Zeidung leest. De Bischöfin het wat to de Schrievers secht, wat 100 % ok op de Landesregierung und dat Plattdütsche paßt, se het secht: „Tun und reden überprüfen“ Denn man los! Wat kön, wat möon wi don? Dr. Annmarie Jensen Grothenwieh, Wahlkreis 6, het in Amerika, opn „Plattdütsche Konferenz secht: „Snacken, Snacken und noch mol snacken“ Dat is richdich för all de Lüt, de Platt snacken könnt. Wi hier int Parlament kön ok wat don, wenn wi wöllt. Dor mön wi över snacken, tosomen nicht jeder eenzelne inne Zeidung. Nu töm wi mol de Bericht af. Dat ward jo sach „gewaldich“ wat die Regeerung dor to been hät, und wenn wi dat dann achter uns hem, denn so scheußlich dull ist dat, jo nich „fördert und stützt“ worn in de letzte 12 Johr, denn ok dat dat jetzt inne Verfoddung steeit, hat ja noch nich son richdiche praktische Nährwert, also, wenn wi denn de Bericht achter uns hem, denn wön wi mol ernsthaft overlegen, wat wi wirklich wön för das Plattdütsche.