Frauke Tengler zu TOP 8: Landach op Platt: dor Kunn een Masse Klorer warn

Nr. 212/06 02. Juni 2006


IM SCHLESWIG-HOLSTEINISCHEN LANDTAG
PRESSEMITTEILUNG Pressesprecher Dirk Hundertmark Landeshaus, 24105 Kiel Telefon 0431-988-1440 Telefax 0431-988-1444 E-mail: info@cdu.ltsh.de Internet: http://www.cdu.ltsh.de

Kulturpolitik Frauke Tengler zu TOP 8: Landach op Platt: dor Kunn een Masse Klorer warn 1999 un 2003 harn wi de letzte Debatte inne Landdach över unse Heimatsprook! Klaus Peter Puls un ik neen, dat deit mol wedder nöddich.
Nich wegen de Tiet, ne, wegen dat wat löpt und dat, wat nich so rund löpt. Wat nützt dat dat Plattdütsche, wenn wi immer segn, wie wichtich de Sprook för unse Land is, un wi benutzen se nich in unse Landach! Viellicht sullen de Schwattbrotthemen: Bil- dung, Strukturverwaltungsreform, Hushalt mol of Platt beschnackt warn: dor kunn een Masse klorer warn. Ik bedank mi bi de Ministerpräsident för sin geschmeidigen Bericht.
Vun 1996 bit 2005 haarn we een hochdütschen Ministerpräsident un een plattdüt- sche LP, nu is dat umgekehrt.
Dor ween de Plattdütschen ganz besonders fröhlich to un so kunn dat denn ok ganz schwer, eegeentlich gor nich verstohn, dat de Ministerpräsident seine Beopdrachte for de Minderheiten de Kultur mitgeben het un secht het, in de Kultur is dat Nieder- dütsche mit bin. Dor wön wi uns nu nich mehr over strien, man kann dat so un so sehn.
De Ministerpräsident hat all darop henwiest dat wi mit de Verpflichtungen von de EU- Charta no de Dell III noch nich ganz liek för sind, ober op een gude Wech.
Nu ward dat denn jo interessant, wenn wi de nüen Empfehlungen vun de letzte Ö- berprüfung to sehn kriegn.
De Chef vunne Staatzkanzlei, temlich un plattdütsch, het de Empfehlungen all wie- derlangt an de LP för de Birat Niederdütsch.
Denn mön wie jo blods noch tosomen kom. Wi, un de Plattdütsche, freuen uns denn ok op 2007, dar givt dat een niee Sprachen- chartabericht.
• Wi sind uns all eenich, dat dat Plattdütsche een wichtiche Deel vun de Schleswig- Holsteinische Kultur un Identität is. • We maken uns ober ok all Sorgen, dat das Plattdütsche immer wieder torüch- geiht, dat immer wenicher Lütt Plattdütsch schnacken. • Un denn sind wi uns wedder eenich, dat dor wat för dohn ward, dat dat nich pas- seert. • Un wiel de Plattdütschen keen Jammerlappens un Jaulers sind, will ik unbedingt segn, wat gut löpt. • Gut is, dat fastschreben is, jede Dütschlehrer mut sik mit datt Plattdütsche inne Utbildung beschäftigen. Wenn he dor kenn Tüchness för hett, kann he keen Examen moken. • Nich so gut is, dat licht överhaupt nich fast, mit wat se sik to beschäftigen hem: Wat mötn Schölers un Lehrers överhaupt över datt Plattdütsche weeten? • Anne Uni in Kiel sind se dorbi, dat tosomen to stelln. • Dat heet, de Inhalte sich nich klar, nicht för de Lehrers, nich för de Schölers, dat bedrüpt ok de so genannte „Module“ för Lehrerausbildung. • Dat Probleem is ok bekannt. • De 22. September 2005 hett de LP in Berlin een Arbeitsgrupp vunne Birat insett, de sik mit eben disse Inhalte befoten schull. • Also een Arbeitsgruppe hem wi, de mutt bloß mol tagen! • Herr LP, kriegen se doch mol de Arbeitsgruppe in Gang. • Gut is, we hem in Schleswig-Holstein een Landesplon för Nedderdütsch. • Schlecht is, dat de nich fortschreben ward. • Schon inne September 2003 hev ik fordert, de Landesplon forttoschrieben. Wie bruken een Översicht, wer mokt wat, wann, wo un worum för dat Plattdütsche in Schleswig-Holstein.
Doför gifft dat im övrigen een gude Vörlach von Gunda Klatt, de dor all schwer an arbeidet hett.
Wir möten weten, watt löpt gut, watt löpt schlecht. Ik wies noch mol op Gunda Klatts Arbeit op disse Gebiet hen.
De Ministerpräsident hett sik bi all de Menschen bedankt, die helpen dat Plattdütsche to erholen. Disse Dank slütt sik die CDU-Fraktion vull an. Een Deel noch, die Grode Koalition ward inne Birat een Andrach för de Fortschriebung. vun de Landesplon Nedderdütsch utarbeiten, wenn de Birat nicht tacht, moken wi dat so.