Volker Nielsen: TOP 21+26: Niederdeutsch schützen, fördern und pflegen

Niederdeutsch | 26.08.2026 | Nr. 247/26
Volker Nielsen: TOP 21+26: Niederdeutsch schützen, fördern und pflegen Es gilt das gesprochene Wort!
Sehr geehrte Fru Präsidentin, leeve Kollegen,
uns plattdütsche Sprook iss dör de europäische Charta vun de Regional- und Minderheiten Sprooken schützt un hett hier int Land Verfassungsrang. De Bericht vun de Landesregeern över de Fortschriebung von denn Lannesplon Nedderdürtsch ut Juni 26 leggt Tüchnis aff, wat allns mookt ward un dat iss banning veel!
Plattschnacken iss faste Deel vun uns sleswig-holsteenisches Levensgeföhl, Heimat Sleswig-Holsteen, Land twüschen Nord- un Ostsee, uns Modersprook iss Platt, plattschnacken, dat kümmt vun't Hatt, dat iss tohus ween.
Artikel dörtein leggt fass: Dat Land schützt, fördert un pleegt uns plattdütsche Sprook:
Dör düssen hogen Rang hedd dat Land in den letzten Johteihnten männich mol un jümmers woller wießt, dat de plattdütsche Sprook schützt, fördert un pleegt ward.
Ass Bispeele much ik nennen: in Fachgesetze, Erlasse un Verordnungen för Kinnertagesstätten un Schoolen iss de Vemittlung vun dat Plattdüsche, de Geschich un Tradischoon fassleegt.
In Kitas un Grundschooln ward sungen, leest un schnackt. Dat Konzept för de plattdütschen Modellschoolen löppt. Ok dat plattdütsche Theoter op Laien- un op Profiniveau is lebennig. De Hochscholen in Kiel un Flensborg leisten eeren Deel.
De Landach hett denn Neederdütschen Bierot mit Vörsitz dör de Präsidentin inrich, de Förderer vun de Plattdüsche Sprook ut ganze Land koomen männimol in düssen Bierat tosom un leegn fast, wat wo mookt ward, um Plattto fördern un to erhooln.
De Zentren för Nedderdütsch in Leck un Mölln, dat Lännerzentrum Bremen, alle sünd düchtig to Gang, lokal, regional, överregional.
Ik food tosoom: Uns plattdütsche Sprook iss dör de europäische Charta schützt un hett denn hoogen Verfassungsrang. Landach und Landesregeern setten sied Johrteinten düssen Verfassungsopdrach um.



Seite 1/2
Pressesprecher Steven Nowak | Düsternbrooker Weg 70, Landeshaus, 24105 Kiel 0431/988-1440 | info@cdu.ltsh.de | http://www.cdu.ltsh.de Veele Kommunen, Inrichtungen, Vereene un Ehrenamtler möön sick Dag för Dag, um uns Modersprook in de Öffentlichkeit un in Alldag to erholn unhemm dorbi Erfolg.
Jedeen, de platt snackt, hett Andeel an dat Hooln vun uns Modersprook.
So iss keen Bedarf föreen Extra Gesetz dor, wi dat vun den Plattdütschen Raat för Sleswig Holsteen im März 26 un vun de SPD Frakschoon in April 26 vörschloogt ward.
Unsobee ik denn Landach, unsern Andrach för dat wiedere Schützen, Fördern un Pleegen vununs Plattdütsch to to stimmen.
Veelen Dank fort Tohöern.



Seite 2/2
Pressesprecher Steven Nowak | Düsternbrooker Weg 70, Landeshaus, 24105 Kiel 0431/988-1440 | info@cdu.ltsh.de | http://www.cdu.ltsh.de